Consular

ကောင်စစ်ရေးရာဌာန

 

နယူးဒေလီမြို့၊ မြန်မာသံရုံးရှိ ကောင်စစ်ရေးရာဌာနသည် အိန္ဒိယနိုင်ငံသို့ အကြောင်း အမျိုးမျိုးဖြင့် ရောက်ရှိနေသည့် မြန်မာနိုင်ငံသားများ၏ သာမန်မြန်မာနိုင်ငံကူး လက်မှတ် သက်တမ်းတိုးခြင်း၊ သာမန်မြန်မာနိုင်ငံကူးလက်မှတ် ပျောက်ဆုံး/ပျက်စီး၍ အသစ် လျှောက်ထားခြင်း၊ အိန္ဒိယနိုင်ငံသို့ ဆေးကုသရန် လာရောက်သည့် လူနာများ၏ နိုတြီ စာရွက်စာတမ်းများအား ထပ်ဆင့်ထောက်ခံခြင်း၊ ပညာရေးနှင့်‌ပတ်သက်သည့် စာရွက် စာတမ်းများ (ဥပမာ၊ တက္ကသိုလ်ဝင်တန်းအောင်လက်မှတ်၊ ဘွဲ့လက်မှတ်များ) ထပ်ဆင့် ထောက်ခံပေးခြင်း စသည့် ကောင်စစ်ဆိုင်ရာ ကိစ္စရပ်များကို နေ့စဉ်ရုံးဖွင့်ရက် တနင်္လာနေ့မှ သောကြာနေ့အထိ နံနက် ၀၉၃၀ နာရီမှ ညနေ ၁၆၃၀ နာရီအတွင်း လက်ခံ ဆောင်ရွက် ပေးလျက် ရှိပါသည်။

အခြား ကောင်စစ်ရေးရာဆိုင်ရာ ကိစ္စရပ်များအတွက် မြန်မာသံရုံး၊ ကောင်စစ်ဌာန၏ email : myandelhi@gmail.com/ consul.mydelhi@gmail.com သို့လည်း ဆက်သွယ်နိုင်ပါသည်။

 

ကယ်ဆယ်ရေးလေယာဉ်များဖြင့် မြန်မာနိုင်ငံသို့ ပြန်လည်ထွက်ခွာလိုသည့် မြန်မာနိုင်ငံသားများသို့ အသိပေးခြင်း

 

၁။      ကိုဗစ်-၁၉ ကပ်ရောဂါ ကူးစက်ပြန့်ပွားမှု ကာကွယ်ထိန်းချုပ်ရေး အစီအမံများကြောင့် အိန္ဒိယ၌ အခက်အခဲကြုံတွေ့နေရသည့် မြန်မာနိုင်ငံသားများ မြန်မာနိုင်ငံသို့ ပြန်လည်ထွက်ခွာနိုင်ရေး Details of Myanmar nationals scheduled to leave India Form ပုံစံတွင် ကိုယ်ရေးအချက်အလက်များ ပြည့်စုံစွာ ဖြည့်စွက်၍ မြန်မာသံရုံး၊ နယူးဒေလီ ကောင်စစ်ဌာန၏ အီးမေးလ် consul.mydelhi@gmail.com သို့ myandelhi@gmail.com တစ်ခုခုသို့ ပေးပို့ ပေးပါရန်နှင့် အီးမေးလ်ပေးပို့ရန်အခက်အခဲရှိပါက ကောင်စစ်အရာရှိ လက်ကိုင်ဖုန်း နံပါတ် အမှတ်၊ +၉၁ ၉၉၇၁၇ ၂၉၃၅၀ (Whatsapp) (သို့မဟုတ်) +၉၁ ၉၃၁၀၇၂၉၂၁၃ (Whatsapp) သို့ ဆက်သွယ်ပေးပို့ပါရန် အသိပေးအပ်ပါသည်။

၂။       အိန္ဒိယအစိုးရ၏ Vande Bharat Mission အရ လတ်တလောတွင် အိန္ဒိယ လေကြောင်းလိုင်း (Air India) မှ အိန္ဒိယ ကယ်ဆယ်ရေးလေယာဉ်များ ပြေးဆွဲလျက် ရှိပါသည်။ အိန္ဒိလေကြောင်းလိုင်း ကယ်ဆယ်ရေးလေယာဉ်နှင့်ပတ်သက်၍ Air India Website၊ Air India Yangon Branch နှင့် India Mission in Yangon Facebook Page များတွင် ကြည့်ရှုနိုင်ပါသည်။

၃။      ကယ်ဆယ်ရေးလေယာဉ်ဖြင့် လိုက်ပါလိုသော မြန်မာနိုင်ငံသားများအတွက်  လေယာဉ် လက်မှတ်ဝယ်ယူရန် မြန်မာသံရုံး၏ ထောက်ခံစာ ထုတ်ပေးခြင်း၊ လိုက်ပါမည့် လူစာရင်းနှင့် အချက်အလက်များအား မြန်မာနိုင်ငံ၊ နိုင်ငံခြားရေးဝန်ကြီးဌာနသို့ တင်ပြခြင်းတို့ကို မြန်မာသံရုံး၊ နယူးဒေလီမြို့မှ ဆောင်ရွက်ပေးမည်ဖြစ်ပါသည်။ လိုက်ပါလိုသည့်ခရီးသည်များသည် မြန်မာနိုင်ငံရှိ မိသားစုမှ တစ်ဆင့် ရန်ကုန်မြို့ရှိ သက်ဆိုင်ရာ လေကြောင်းလိုင်း အေးဂျင့်ထံတွင် ဆက်သွယ်ဝယ်ယူရမည် ဖြစ်ပါသည်။ သံရုံးသို့ စာရင်းပေးပို့ထားသည့် မြန်မာနိုင်ငံသားများအတွက် လေယာဉ်လက်မှတ်ဝယ်ယူရန် ticket booking အား Air India ရန်ကုန်ရုံး၌ ပုံမှန်အားဖြင့် လေယာဉ်ထွက်ခွာမည့်ရက်မတိုင်မီ ၂-၃ ရက်အလိုတွင် ဖွင့်လှစ် ရောင်းချလေ့ရှိပါသည်။

၄။      အိန္ဒိယဗီဇာ သက်တမ်းကုန်နေသူများအနေဖြင့် အိန္ဒိယလူဝင်မှုကြီးကြပ်ရေးဗျူရို၏ FRRO Website (https:// indianfrro.gov.in/frro/) ၌ online ဗီဇာ သက်တမ်းတိုးခြင်း/ (ဗီဇာ သက်တမ်း တိုး၍ မရပါက) Exit Permit လျှောက်ထားခြင်းများ ကြိုတင် ဆောင်ရွက်ထားကြပါရန် တိုက်တွန်းနှိုးဆော်အပ်ပါသည်။

၅။      Covid-19 ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီ၏ လမ်းညွှန်ချက်အရ ကယ်ဆယ်ရေးလေယာဉ်ဖြင့် လိုက်ပါခွင့်ရှိသူ မြန်မာနိုင်ငံသားများအနေဖြင့် လေဆိပ်တွင် ကိုဗစ်-၁၉ ရောဂါ ကင်းရှင်းကြောင်း ဆေးစစ်ချက် negative RT-PCR Test (Nasal Swab Test) result report ကို ပြသရမည်ဖြစ်ကြောင်း အသိပေးအပ်ပါသည်။